CONCURSO ALMANAQUE 2026

-

 📷 Viaxa no tempo co ENDL!


Ola, xentiña do Castro Alobre! 👋

Chega o concurso máis creativo do ano: o do Almanaque 2026, e si...queremos que ti formes parte del!

Este curso propoñémosche un reto tan orixinal coma divertido:

👉Recrear unha foto histórica de Galicia (ou das súas xentes) coa técnica que máis che preste.

Vale todo: 📷fotografía, 🎨pintura, ✐ debuxo, 💢colaxe, 🖥técnica dixital...💡ou unha técnica mixta que mesture o pasado e o presente.

O importante é darlles nova vida ás imaxes que contan a nosa historia. E para inspirarte, podes mirar o traballos de diferentes artistas na Aula Virtual do Equipo (DINAMIZACIÓN 25-26)...pero tamén vale esa foto antiga da túa bisavoa facendo pan ou do teu bisavó na feira do gando.

📅Como participar

1. Escolle unha foto antiga ou histórica relacionada con Galicia.

2. Recrea esa imaxe ao teu xeito e coa técnica que prefiras.

3. Engade un breve texto explicando que che inspira ou que che fixo escoller esa imaxe.

4. Entrega o teu traballo ata o 9 de novembro:

  • pola Aula Virtual (jpg),
  • en formato físico na conserxería do centro (DIN A3/A4).

Podes participar en solitario, en parella ou en grupo.

🏆Que podes gañar?

Os 12 traballos seleccionados ilustrarán os meses do Almanaque 2026 do IES Castro Alobre.

E ademais, as obras serán expostas neste Blog, no Instagram do ENDL e nos corredores do centro, con moita visibilidade (e presumir un pouquiño tamén conta 😎).

📢Así que xa sabes: rebusca, crea, pinta, debuxa, recrea e fai historia co teu talento!

Non deixes pasar a oportunidade de formar parte deste proxecto que mestura memoria, arte e humor.

😅Se tes dúbidas, pregunta a calquera do Equipo de Dinamización: prometemos non morder (aínda que morda a inspiración).

✨Almanaque 2026: unha viaxe no tempo...contigo dentro!!




Comentarios

Publicar un comentario

Publicacións populares deste blog

O MELLOR FILTRO: O GALEGO. ARRANCAMOS!

-
Imaxe
  Ola, xentiña do Castro Alobre! Estreamos curso e...que mellor maneira de facelo que presentándonos en bloque? Aquí estamos, o ENDL do IES Castro Alobre, con ganas renovadas de liala para que o galego soe alto e claro polos corredores do instituto. En bloque porque compartimos o mesmo obxectivo: facer do galego a nosa ferramenta para crear, convivir e gozar. Este ano vén cargadiño de propostas, vellas e novas: concursos, exposicións, xogos, proxectos compartidos...e, como non, o noso Almanaque 2026 que será unha viaxe ben especial pola memoria e a creatividade. Así que, alumnado, profes e comunidade: a porta está aberta para que vos sumedes. Participade, traede ideas e facede que o galego se sinta nos corredores, nas aulas e nas redes. Podedes seguir todas as nosas novidades:     • no noso Blog ENDL IES Castro Alobre      • no Instagram endlcastroalobre ( @endlcastroalobre )     • na Aula Virtual Dámosvos a benvida cun sorriso enorme e co desexo ...
Ler máis

11 DE OUTUBRO: DÍA INTERNACIONAL DA SAÍDA DO ARMARIO

-
Imaxe
  🌈 11 DE OUTUBRO: DÍA DA SAÍDA DO ARMARIO Ser quen somos, sen pedir permiso Hai portas que nunca deberían existir. Portas que nos obrigan  a agocharnos, a calar, a disfrazar quen somos para encaixar. Por iso o 11 de outubro , o Día Internacional da Saída do Armario , non é unha celebración máis: é un recordatorio que vivir con liberdade é un dereito humano, non unha concesión. A nosa lingua tamén serve para reivindicar, así, dende o ENDL afirmamos que saír do armario é moito máis ca unha metáfora: É rexeitar a vergoña e abrazar o orgullo. É dicir "aquí estou" sen medo ao que pensen. É poñerlle rostro, voz e nome á diversidade que sempre existiu, pero que moitas veces o silencio quixo borrar. Nesta ocasión imos poñerlle os rostros de  💜 Marcela e Elisa , dúas mestras coruñesas de comezos do s.XX, profundamente namoradas, que se atreveron ao que ninguén se atrevía. En 1901, na igrexa de San Xurxo de Coruña, casaron en segredo: Elisa fíxose pasar por home baixo o nome ...
Ler máis

DÍA DE ROSALÍA

-
Imaxe
Como xa é habitual, dende o ENDL lanzamos o concurso para conmemorar o día de Rosalía, o vindeiro 23 de febreiro. Se o curso pasado foron as pulseiras, este, buscamos un deseño para ter o noso "landyard" de Rosalía. Dende o 24 de xaneiro e, ata o vindeiro 3 de febreiro, podes recoller a plantilla en conserxaría e presentar a túa proposta (unha frase, un deseño, unha mestura...Sé orixinal!). A proposta gañadora recibirá un "landyard" de agasallo e o recoñocemento nacional e internacional á hora de publicitar a actividade. Anímate a participar e recorda...Rosalía cada día!
Ler máis